Thursday, January 08, 2009

طلب المستحيل


بعض من القوة .. بعض من الأرادة .. بعض من الرؤية .. بعض من العلم .. بعض من الفهم .

--

هيكل متوجهاً الى مصر و الدول العربية

فى حديثه المصور على قناة الجزيرة

بخصوص ما يحدث فى غزة .

--

انه يطلب المستحيل


 

13 comments:

محمد المصري said...

وحياة ربنا يا رامز أنا ما بقيت عايز منهم إلاّ بعضٌ من الدم مش أكتر !

يعني حتى الأحلام المشروعة بتاعة غلق سفارة وطرد سفير دي بقت مستحيلة ، دلوقتي مش مطلوب أكتر من الحياد ! ووقف القوادة اللي بتحصل لصالح إسرائيل !!

تخيّل ؟!

إحنا هُنّا أوي ، ومش براهن على حاجة دلوقتي غير إن بكرة كل ده هيتغير عشان التاريخ بيقول إنه لازم يتغير

TAFATEFO said...

الحلقة

Ahmed Al-Sabbagh said...

والله عال عال
انهاردة بيقول قوة وارادة ورؤية وعلم وفهم
وبكرة يقول شجاعة
الراجل ده بيحلم

حـنــّا السكران said...

أيوه يا صباغ و بكرا يطلب منهم يبطلوا سرقة و سهر و قمار و نسوان كمان .
انتم شفتوا افتتاحية الأصمعي في الجمهورية اللي هاجم فيها هيكل؟

ـ هههه يخرب بيت مخك على هالصورة يا رامز ..أنا سرقتها .

فارس... ولكن....... بلا جواد said...

رامز،

لم يكن متوازناً، لم يكن هيكل الذي أعرفه، زاد إرباكي وعدم فهمي. وسقاني جرعة كبيرة من نهر الجنون. سقاني حتى الثمالة.

تحياتي

حازم سويلم said...

بالطبع يطلب "هيكل" المستحيل, الا يعرف ان عرب اليوم هم عرب مستأنسة أليفة, عرب مصابين بالأخصاء المعرفى, وينفرون من كل من يتحدث عن الأرادة, المقاومة ووحدة الصف, وتجدهم يشيحون بأيديهم قائلين: بلدى بلدى

دعاء مواجهات said...

كدة وش .؟؟؟

الى اختشوا ماتوا صحيح

بيس

^ H@fSS@^ said...

والله انا شايفة المستحيل بيززززاتو اني اسمع اي كلمة للراجل الهيكلي ده و اصدقها او اقتنع بيها او تكون لها عندي ايا مصداقية
ده اكبر كداب و جاسوس امريكاني و بيلعب على كل الحبال المهم يوصل لهدفه و يعب مصاري في جيبه و حسب ما تكون السلطة بيكون هو معاها
لا له راي محدد و لا موقف معين
و اللي قاله يعني عادي اوي
ما هو احنا عارفين ان احنا تنقصنا القوة و الارادة و الرؤية و العلم و التخطيط و الاخلاق و كل الحاجات دي
قال ايه جديد بسلامته؟؟
قالنا ازاي مثلا نتغلب عن المشاكل دي؟
طرح حلول عملية مفيدة نقدر نغير بيها الحكام الموجودين حاليا و نصنع فرق؟؟
ولا هو بس فرحان بشبابه وقاعد المكتب بيتكلم اي هرتلات و بيحكي قصص قبل النوم و خلاص؟؟
يخرب بيت كدا بجد
احيه خالص يعني

hartaka said...

كلامة مبيعجبنيش تماما
معظم كلامة دايما موارب ومش صريح
ميزتة الوحيدة الي مستغلهاش غير لصالحة انه عاصر ثلاث حكام
هو عارف اكثر من ما بيتكلم بكثير وحفاظا علي لعبة التوازنات والمصالح مبيتكلمش بصراحة في وقت احنا احوج فية لاراء صريحة من ناس كلامها ممكن يفرق كتير

عباس العبد said...

محمد المصرى
انا كل اللى بطلبه " التمثيل المشرف " . مش عايز فعل ثورى و لا تقدمى و لا أى حاجة من الكلام ده . انا عايز نظرية " اذكروا محاسن موتاكم " , يعنى لو راحت هيبة مصر خلاص و مش حنرجع تانى نبقى رمز الأمة . يعنى لو متنا و حندفن فى مقبرة التاريخ , انا معنديش مشكلة , بس يذكروا محاسن موتاهم . يذكروا محاسنا . يفتكرولنا حاجة .
===
مصطفى
شكراً يا باشا
===
الصباغ
هو فعلاً كده بيحلم . بكرة يصحي من النوم .

عباس العبد said...

جو
الصورة بتاعتك يا باشا , تعمل فيها اللى انت عايزة
===
فارس بلا جواد
هو فعلاً مكنش عارف يتكلم , كان مرتبك جداً و بيقاطع كتير , افكاره كانت عايزة كتير من الترتيب و من التوضيح . كان محتاج يشرح اكتر .
===
حسام
نورتنى

عباس العبد said...

دعاء
اللى اختشوا ماتوا وش .. ! فعلاً
هههههه
===
حفصة
هو مقلش حاجة جديدة بالنسبة للتاريخ . لكن ربط شوية حاجات ببعض تستحق التأمل . قولى عليه زى ما انتى عايزة . بس .... اقولك بعدين بقى .
===
هرطقة
هو فعلاً " ديبلوماسى " فى كلامه .
لعبة توازنات , فعلاً . زى ما انت قلت .

An Egyptian said...

هما العرب همج دايما من الجاهلية لحد دلوقت