Tuesday, August 26, 2008

زينة


---

أخيراً , و لأول مرة فى مصر

لعلاج أسباب تأخر الأنجاب

لمعرفة مراحل نمو الجنين

أزاى تستبعدى العيوب الخلقية

الولادة بدون ألم

---

فى مشاكل فى العلاقة الزوجية ؟

فى مشاكل فى العلاقة الجنسية ؟

عندك مشاكل فى الحمل ؟

عندك مشاكل فى الانجاب ؟

عايزة تعرفى عن فترة الحمل و فترة الرضاعة ؟

عايزة تعرفى عن الريجيم أثناء الحمل ؟

فى مشاكل فى البوس و الأحضان و الذى منه ؟

عايزة تعرفى تاخدى القرص الأصفر , و لا العبوة الزرقا ؟

عندك مشكلة فى التبويض و لا فى التلقيح و لا فى التخسيس ؟

عايزة تعرفى عن الأكل و الشرب أثناء الحمل ؟

جوزك بيجيب صاحبته ينام معاها قدامك علشان انت تخينة , و خايفة إن ده يأثر على الصحة النفسية للجنين ؟

جوزك عنده مشاكل فى الأنتصاب أو الأرتخاء , أو مبقتيش تعرفى تهيجيه زى زمان ؟

طيب جربتوا تشوفوا أفلام جنسية حلال ؟

 جربتى الأعشاب الطبية و الاقراص الجنسية , و برضه مفيش فايدة ؟

طيب جربتى تنامى مع واحد تانى ؟

عايزة تعرفى رأى الدين فى المرأة الحامل بدون زواج ؟

بتابعى مع دكتور و لا دكتورة , و لا داية ؟

عايزة تعرفى عن العلاقة الجنسية و انت بطنك منفوخة من الحمل ؟

عندك السكر أو الضغط و خايفة على الحمل  ؟

بتضربى سجاير و حشيش و كحوليات أثناء الحمل , و عايزة تعرفى طرق " الضرب " الآمن على الحمل ؟

بتعملى رياضة أثناء الحمل ؟

بتنامى مع اكتر من واحد و خايفة يأثر على الجنين و عايزة حل ؟

حاسة بدوخة و غثيان و نفسك غمّة عليكى ؟

الى فى بطنك ده مش أبنه و عايزه تعرفى إزاى تخبى عليه ؟

صدرك كبر و خايفة ما يرجعش نفس المقاس ؟

الهرمونات أرتفعت فى جسمك و أبتدت تأثر عليكى و تخنقك و عايزة حل ؟

فى مشاكل زوجية على مصروف البيت , محتارين تولدى فى أى مستشفى ؟

مش عارفة ترضعى طبيعى كويس , علشان جوزك قاللك " الواد واحد و انا واحد " ,  "انا مرة و هو مرة " ؟

مش عارفه ترضعى طبيعى , علشان جوزك بيحب يشرب شاى بلبن الأم ؟

عملتم كل التحاليل ؟

--

جوزك العيب منه و عايزه تخلفى ؟؟

اتصلى بى على النمرة دى و انا حخليكى تحبلى بنفسى

يلا و الف مبروك و عقبال ما نخاويه .

--

أتصلى على

0900990990

و انا ححل كل مشاكلك ... بس لو أكيد العيب منه  .

=============================

الله يخرب بيت إعلانات التلفزيون .

قاعدين عند واحد صاحبنا و بنتفرج على التلفزيون و جت الأعلانات إياها و بعد ما خلص إعلان منهم , بنته بتلعب معايا و  مرة واحدة سئلتنى :" هى انهى بتاعة الستات , العلبة الزرقا و لا العلبة الصفرا ؟ " . 

6 comments:

El - Shandwely said...

السىء فى الموضوعات دى انهم بيلعبوا على وتر دينى لترويج سلعتهم ..والاسوأان اكتر الاماكن اللى بيتعرض فيها الحاجات دى هى القنوات الدينيه نفسها .. ده بغض النظر عن سذاجة وجودة الاعلان نفسه
ياخى دانا احترمت اعلانات المنشطات الجنسية الصريحة لانهم عاملينها بضمير .. احترمت الايحاءات الجنسية (مع سنافى اكيد رصيدك هيزيد ..ولا الشفاطة اللى عماله تتنى وتنتصب تانى ) وحسيت بالعته فى اعلان حاطين فيه ايه وتحس انه معمول من السبعينات وال ايه يحتوى على مزيج من الاعشاب البحرية والاعشاب البرية وقام بالتاكيد عللى تاثيره لفيف من الاطباء والهلس ده كله .. ولا انت عارف اعشاب ايه ولا اطباء مين بس اهو بيضرب اعلان وخلاص .. وللاسف فى ناس غلابة بتصدق

appy said...

حاجه قرف والله العظيم طيب لو ده خد من دي ودي خدت العكس تفتكر ايه اللى يحصل هههههههههه الواد جوز صخبتى اتلم ههههههههههههههه

محمد الكومي said...

احب اشاركك الموضوع ده و اضيف

لو اتبضنت مننا اتصلي على رقم 0900بيضة بيضة

و لو ماتبضنتش تبقى ابن كلب رمة تستاهل اللي بنعمله فيك

ده طبعا للمشاهد مش ليك

hedoo2 said...

حلوة التدوينة دي يا رامز , أنا الحمد لله مليش في التليفزيون غير قنوات معينة وكلها مش بتجيب الإعلانات الجبارة دي , بس ساعات بتزنق والاقي نفسي بتفرج على إعلانات الشيخ العطار الجبار اللي بيعمل أدوية بتعالج كل حاجة من أول البرد لغاية الإيدز وبوقت متحدد (علم بقى أمال) ..

يلا ربنا يهديهم ..

طلب بس , شيل الآية القرءانية اللي في أول التدوينة لأن مش لطيف مكانها في وسط الهزار ده ..

محمد

عباس العبد said...

الشندويلى
شوف حقولك حاجة, إعلانات فياجرا و سنافى , دى عاملها ناس متخصصة فى الأعلان و بالأخص إعلان فياجرا بتاع الشمسية و المسمار و الشفاطة , لو شافه طفل مش حيفهم قصده , لأن مفهوش كلام , و نفس القصة فى سنافى , حيفهم أنها خناقة عائلية , لكن بقية الأعلانات فيها كلام و مباشر و حاجة سخيفة و محرجة , بقت فوق الوصف و مهينة و مذلة للاهالى , حاجة بجد قلة أدب .
اما الناس الغلابة الى بتصدق , فدى حلها , انه ملهاش حل .
شرفتنى جداً و نزلت أكليبس من عندك بس صوتها مش حلو
===
أبى
فين الخوخ ؟
مش حيحصل حاجة , كلهم زى بعض .
===
محمد
فاهم فاهم
===
هدوء
شكراً للزيارة و للمجاملة
و شيلت الجملة علشان ميحصلش مشاكل

Ahmed Nasr said...

برضو معرفتش أنهي بتاعت الستات!!