Wednesday, January 07, 2009

من وحى الميلاد



-1-

 

 

و إذ بصوت من السماء يقول :

هذا هو أبنى الحبيب الذى به سررت , فله أسمعه .

---

-2-

فتوى

على ذكر الفتاوى التى أنتشرت مؤخراً , أجلس مع والدى امام التلفاز ننتظر  عظة البابا شنودة فى قداس ليلة العيد . أثناء قراءة الأنجيل , تركت الغرفة و ذهبت الى الحمام لكى أقول رأيى فى الحكومة ! . عندما عدت الى الغرفة , ضحك والدى و سئلنى يستفتينى : هل دخول الحمام أثناء الأستماع الى الأنجيل فى التلفزيون , حرام أم حلال ؟ . ضحكت و تذكرت فتوى الألهاء عن ذكر الله .

---

-3-

أضطهاد

بدأ القصف الأسرائيلى على غزة منذ عشرة أيام , يوم 27 ديسمبر , أى بعد ان انتهى الكاثوليك من العيد حسب التقويم الغربى ( 25 ديسمبر ) . لم يتوقف القصف حتى اليوم ( 7 يناير ) , يوم عيد الميلاد حسب التقويم القبطى .  و ده معناه ان الاورتودوكس مش حيعرفوا يعيدوا علشان الحزن على غزة . الظاهر برضه أن الأسرائيليين هم كمان بيضطهدوا الأورتودوكس و بينكدوا عليهم , ( وش بيغمز ) .

---

و كل سنة و الأورتودوكس طيبين .

فى حد فى الدنيا يبقى عيده يوم أربع يا ناس ؟

--

11 comments:

^ H@fSS@^ said...

انت متعرفش تعيد لله كدا
لازم تنغز و تلمز و تبربش بعيونك؟؟
ههههههههه

يا سيدي كل سنة و هما بخير
و كل سنة و الناس كلها بخير
يا ريت يعني

و كل سنة و انت طيب
مش فاكرة اذا كنت عيدتك ولا لا

Unknown said...

كل سنة وانت طيب يا رامز
بس ماكانش ليه لزوم التلميح للأخرين فى احتفالك بالعيد خصوصا ان المثالين مش متطابقين

77Math. said...

ما باله يوم الأربعاء كعيد ؟

حـنــّا السكران said...

الحماصنة ( أهل حمص) .بيعيّدوا كل أربعاء.

بس فتوى ديفيد سانتوس ..رهيييييبة .

fawest said...

كل سنه وأنت طيب يا جميل
و أيام ربونا كلها حلوه المهم الفرحه

ــــــــــــــ
بالنسبة لتعليقى على البوست اللى فات
فأنا متفق معك فى معظم ما قلت لذلك لا يوجد داعى للتعليق
وعندما أكتب فى هذا الموضوع سأكلمك
شكرا

فارس... ولكن....... بلا جواد said...

كل عام و أنت وجميع الارثوذكس بخير. كل عام ومصر يد واحدة، وقلب واحد.

عباس العبد said...

حفصت
لازم انكش طبعاً , امال يبقى عيد أاى ؟
ههههه
===
م5م
أى تلميح فى أى جزئية ؟
===
77
انا بهرج بس يا فندم , مش قصدى حاجة .

عباس العبد said...

حنا السكران
انا معرفش انهم بيعيدوا الاربع . بس اشمعنى الأربع ؟
الفتوى رهيبة فعلاً . اقرا التدوينة كلها فى مدونة اخر الحارة و انت حتفطس من الضحك .
===
طه
و انت طيب يا ريس
و مستنى موضوعك .
===
فارس بلا جواد
و انت طيب يا فندم

Anonymous said...

انا مش فاهم الصراحة مال الارثوذكس معاك؟؟ و ماله يوم الاربع يعنى؟؟

Alexandrian far away said...

مهما قلت يا رامز
فأنا لا اعترف سوى بميلاد المسيح الذي يحل في السابع من يناير
أما هرطقة كنيسة روما فلا والف لا

حـنــّا السكران said...

هههههههه قريتها و فطست من الضحك ..فعلا عبقرية هههههه
ـ نكتة على الحماصنة . هم متهمين انهم بيعيّدوا يوم الاربعا و بيأجروا الطابق الفوقاني .و إياك تتناقش مع حمصي يوم اربعاء .
طبعا دي نكت زي نكت الصعايدة . هم شعب طيب جدا و بيحب المزح .
بيقولك واحد حمصي سواق تاكسي شاورتله واحدة في الطريق .وقف . قالت له : عاوزة أروح السوق لو سمحت , قال لها : اوكي روحي بس ما تتأخريش .