Thursday, August 28, 2008

سؤال فلسفى


" فى الأفلام العربى , لما واحد بيبوس واحدة بتحبل منه علطول و تولد فى المشهد الى بعديه .

السؤال الذى يطرح نفسه و بشدة

إذا كانت من بوسة بتحبل , امال لو نام معاها حيحصل إيه ؟ "

---

هكذا تسائل عم علام بعد مشاهدة فيلم " دعاء الكروان " . 



 

10 comments:

جبهة التهييس الشعبية said...

انت بتقول فيها
انا فضلت فاكرة ان البوسة بتخلي الست حامل لحد اولى جامعة لما واحدة صاحبتي قالت لي انها باست صاحبها فقعدت اعيط واقول لها: انت حامل دلوقت انت حامل لازم تخليه يصلح غلطته
:)

جبهة التهييس الشعبية said...

على فكرة
واضح ان عم علام ده شخصية مؤثرة في حياتك
ومدونتك

حـنــّا السكران said...

هههههههه

ههههههههه

تعليق نوارة وقّعني من الضحك ..

...........

شوف يا مولانا قدّس الله سرّك

لو البطل نام مع البطلة في الفيلم و عمّ علاّم بيتفرّج .. يبقى زوجة عمّ علاّم أغلب الظنّ هي اللي رح تحبل بعد العرض مباشرة .
و في حال عمّ علام ما كان عنده زوجة ..يبقى عمّ علام ذات نفسه هو اللي رح يحبل من قهره بعد العرض مباشرة .
لذلك أنا من القائلين بأن عمّ علاّم يجب ألاّ يرى مشاهد تتعدّى البوس ..حتى لو اختنق بالأسئلة .

Fatma said...

عم علام عايز يشوف مشهد فيه مصداقية الراجل معاه حق :))))))))))

بمناسبة تعليق نوارة اللي موتني من الضحك
انا كنت انيل منك ..انا كنت فاكرة ان الست بتحمل لما يكتبوا ورقة عند المأذون ..لا بوس بقى ولا غيره..ولما درسونا في المدرسة الجهاز التناسلي وقالولي ان الجنين بيكون عند الاب وبيتنقل لرحم الام سألت بيتنقل ازاي لاقيت اجابات عجيبة غريبة مريبة مفادها انه بيتنقل بقدرة قادر لما الورقة بتتكتب وربنا يعرف انهم بقوا زوجين :)

بس انا عرفت الحقيقة قبلك ..لما واحدة صاحبتي اتجوزت واحنا في ثانوي ..وجالي انهيار عصبي وفضلت اكدبهم كتير اوي محاولة اني انفي التهمة البطالة دي عن بابا وماما :)

اسفه يا رامز خرجت عن موضوعك الاساسي :)

عم علام دا مشكلة :)

هشام علاء said...

ههههههههه

فى نقطة فلسفية هربت من عم علام

و هى ان البوسة مجرد تعبير ضمنى عما
حدثب بعدها
و
هو اللقاء اللى ادى للحبل

و قول لعم علام انه اذا كان زمان بيكتفوا فى الافلام بالبوسة و يليها الحب لعلى طول فدلوقتى الفيلم كله بيبقى احداث اللقاء بينهم يعنى البوسة و ما يليها بالتفصيل كله بيبقى متذلع بتفاصيله بس الغريب فى الامر ان رغم كل ده ما بيحصلش اى حمل خالص مالص و ده بيقودنا لسؤال اكثر فلسفية

ليه زمان كانت البوسة تؤدى للحمل و دلوقتى كل اللى بيعملوه لا يؤدى لشىء

عزيز عيني said...

ا لمفروض انه خلاص مافيش اسئله من دي تاني زمن البوس في الافلام راح احنا في عصر السينما النظيفه

Desert cat said...

بوس مين يا عباس انت لسه عايش فى ايام البوس
قول لعم علام الدنيا اتطورت والسينما اتقدمت
ده اطفال فى حين ميسرة خلفوا تحت العربية يا ارجل والالفاظ كانت على الملأ كدهون

Alkomi said...

تصدق لو نام معاها

مش هيجيب عيال

انت نسيت ولا ايه

احنا مابنعرفش

يا عم الناس دلوقتي بتسرتن من بقها مانتاش شايف الريالة اللي بتنزل من بق الناس كترت ولا ايه يا رامز

و يجعله عامر

سيب الدنيا تمشي

و بعدين بص للنص المليان

لما بوسة بتجيب حمل و عاملين الزحمة دي
اومال بقى الزعطة هتعمل ايه
هتخليني نركب فوق بعض من الزحمة

مسا عليك يا باشا و فل و البلوج بتاعك بقى فقرة اساسية في جولتي عالبلوجر

Alkomi said...

نسيت اقولك

حيث ان الفيلم قديم

واضح انك مش واخد بالك ان الناس بتاعت زمان دي غير الناس الخرعة بتاعت اليومين دول

ولا اييييييييييييييييه

TAFATEFO said...

بما ان حضرتك بتتكلم عن الأفلام العربي
يبقى إجابة سؤالك سهله وبسيطه

كما أنه في الأفلام العربي تكون نتيجة البوسه ان البطله تحمل

فبرضه في الأفلام العربي نتيجة ان البطل ينام مع البطله أحد ما يلي:
1- البطلة في السرير بتعيط والبطل يقولها متخافيش انتي مراتي أمام الله
2- البطل يسيب البطله نايمه ويهرب وميردش على تليفوناتها
3- أهل البطله يقتلوها ويغسلوا عارهم بيدهم
4- الممثل يخرج ندمان لأنه ظن فيها ظن سوء .. والبطله تبعد عن حبيبها علشان بتحبه ومبقتش تنفعله وتخلي صاحبتها تقرب منه.
- الأستاذ اللمبي مره قال انهم بياخدوا البطل في قسم الخليفه وزربو على قفاه لغاية ما يعترف عمل الفحشاء دي فين وبعدين يتجوزها